Hoffem estyn gwahoddiad i chi i’n 7fed Gŵyl Gerdded Flynyddol sydd, digwydd bod, yn cyd-daro â dathliad deugain mlynedd Llwybr Clawdd Offa. Mae Prestatyn, Gallt Melyd a’r fro yn le gwefreiddiol i gerddwr brwdfrydig. Mae’r ardal yn dal i adeiladu ar ei statws Croeso i Gerddwyr. Yn wir, Prestatyn ydi’r dref gyntaf yng Nghymru i dderbyn anrhydedd o’r fath. Fel rhan o’r wŷl rydym wedi trefnu tridiau o gerdded a gweithgareddau fydd yn rhoi cyfle i chi fforio, dysgu a mwynhau ardal unigryw Prestatyn a Bryniau Clwyd, ardal sydd wedi ei dynodi’n un o Harddwch Naturiol Eithriadol.
Ein thema ar gyfer 2011 ydi Gogledd Cymru Ddiwydiannol a Morwrol, ac mae gennym ni raglen fydd at ddant pawb – Her 40 milltir Clawdd Offa, ‘Geocaching’ Cerdded Llychlynnaidd, Helfa Drysor i’r Teulu, Cerdded yr arfordir, y coetiroedd, y twyni tywod a chyfle i fwynhau llawer o lwybrau hanesyddol. Mae cyfle i chi hefyd weld arddangosfeydd a gwrando ar gyflwyniad diddorol yn y caffi. Yno hefyd cewch ymlacio gyda phaned ac ymgolli’n lân wrth sgwrsio am eich anturiaethau cerdded. .
